Lili Sula: Rama ka nxjerrë udhëzim të ri për të goditur të drejtat e mësuesve!

Në tubimin qytetar në mbështetje të liderit të opozitës, Sali Berisha, i cili mbahet në arrest politik që prej 30 dhjetorit të vitit 2023, Lili Sula, Përgjegjëse e Dep. të Arsimit në Partinë Demokratike foli për gjendje e arsimit nën qeverisjen e Rilindjes.

Në fjalën e saj Sula denoncoi udhëzimin e fundit të ministrisë së Arsimit dhe Sporti që godet statusin e mësuesit.

“Është fjala për udhëzimin nr.8 të majit 2024, një udhëzim që merret me proceduart e pranimit të pezullimit dhe të pushimit të mësuesve nga puna dhe me administrimin e portalit mësues për Shqipërine. Është fjala për të goditur dhe asgjesuar të drejtat themelore të mësuesve. Kreu 5 i këtij udhëzimi flet për mësuesit që nuk e plotësojnë ngarkesën mësimorë. Mësues të cilët humbasin të drejtën e ushtrimit të profesionit.

Edi Rama me këtë udhërim shpall vetë braktisjen e shkollës nga fëmijët tanë. Nga nxënësit, krizën e thellë që ka përfshirë sistemin arsimorë parauniversitar. Ky udhëzim godet të drejtat kushtetuese të mësuesit dhe nga ana tjetër dëshmon dështimin e Rilindjes në arsim. Që nga ardhja në pushtet, Rilindja ka politizuar tërësisht punësimin e mësuesve duke ndryshuar 5 herë udhëzimet për punësimin e mësuesve”, tha Sula.