Gazeta RD
Kryetari i Partisë Demokratike, Sali Berisha ka përshëndetur fitoren e partive të qendrës së djathtë në zgjedhjet për Parlamentin Evropian.
Në mesazhin e publikuar sot Berisha shkruan se, në zgjedhjet për Parlamentin Europian qytetarët e vendeve anëtare të BE votuan me shumicë partitë e qendrës së djathtë.
Postimi
EPP përsëri në timonin e BE.
Të dashur miq, në zgjedhjet për Parlamentin Europian qytetarët e vendeve anëtare të BE votuan me shumicë partitë e qendrës së djathtë duke i rikonfirmuar grupit të PPE rolin udhëheqës të BE, Parlamentit dhe institucioneve të tjera të BE.
Në emër të Partisë Demokratike uroj partitë si motra, udhëheqjen e tyre për këtë fitore të merituar me rëndësi përcakuese për të ardhmen e BE, por edhe të Shqipërise në BE.
