Gazeta RD
Kryeministri i Kosovës, Albin Kurti, ka refuzuar të përgjigjet nëse do të zhvillojë takim me kryeministrin e Shqipërisë, Edi Rama, i cili po qëndron për vizitë zyrtare në Kosovë.
Kurti, teksa është pyetur nga gazetarët se “a do të takoheni me kryeministrin Edi Rama”, në mungesë të përgjigjes është arsyetuar duke thënë se “jam në seancë në ora 10:00”.
Edhe në korrik të 2023-së, kur Rama po qëndronte për vizitë zyrtare në Prishtinë, Kurti kishte refuzuar ta takojë atë.
Në atë periudhë, Kurti kishte refuzuar të takohet me Ramën për shkak se kryeministri i Shqipërisë kishte anuluar mbledhjen mes dy qeverive për shkak te tensioneve në Veri të Kosovës.
