Shpërthim tritoli në një banesë në Postribë

Një shpërthim me lëndë eksplozivi është regjistruar në orët e para të mëngjesit në Postribë. Ngjarja ka ndodhur rreth orës 05:15 të mëngjesit në fshatoin Dragoc.

Sipas autoriteve policore, tritoli është vendosur në portën e jashtme të banesës së shtetasit L. H., 49 vjeç, në të cilën prej shumë vitesh nuk banon njeri. Si pasojë e shpërthimit ka patur vetëm dëme materiale.

Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.