Gazeta RD
Sekretari i Përgjithshëm i PD, Flamur Noka ka debatuar ashpër me Drejtorin e Policisë së Shtetit.
“Kur i bien telefonit tuaj përgjigjet SPAK?”. Për dekonspirim të operacioneve. A e keni pasaportën të bllokuar dhe a i bëni nder policisë”, tha Noka.
Ndërkohë ai i bëri një pyetje që nuk mori përgjigje drejtorit Ilir Proda, nëse, “ka përgjim nga SHISH për ju kur keni qenë zv/drejtor në Elbasan”.
“A keni dijeni që Neritan Nallbati ka qenë i përjashtuar nga policia e shtetit nga Igli Toska për përfshirje në banda kriminale”, tha drejtuesi i lartë i PD në komisionin e sigurisë.
Sipas Nokës, Vilson Bala po shpërblehet për aktin terrorist për të arrestuar Ilir Metën.
“A po shpërblehet Irena Gjoka duke i bërë burrin e sekretares së saj, drejtor operacionaleje”. Më poshtë Noka është shprehur se, “a po shpërblehet Emiljano Shullazi për të emëruar Artion Dukën e IMSI-CATCHER”.
Drejtori i policisë nuk kishte një përgjigje as pas pyetjes së Nokës se “çfarë ju lidh me Ylli Carën dhe a ka dosje që i është fshehur nga policia e shtetit”.
Sipas Nokës, “Policia e Shtetit duke filluar nga drejtori po i jepet krimit të organizuar”.
Proda deklaroi ne Komisionin e Sigurisë pas akuzave të deputetëve të opozitës se, “kam kaluar filtrin e të gjitha institucioneve për t’u zgjedhur drejtor policie”. “Kam qenë oficer i zyrës së vrasjeve kur keni qenë ministër i brendshëm, dhe keni pasur numrin më të lartë të vrasje”. “Nuk e gjej fajin tek ju, por tek vetja që isha i paaftë për t’i zbardhur”, tha Drejtori Proda.
