Mbahet peng në qeli me urdhër të Ramës, Meta: Desorosifikimi i drejtësisë, emergjencë kombëtare

Presidenti i Partisë së Lirisë, Ilir Meta, reagoi pas vendimit të Apelit të Posaccëm që nuk ndryshoi masën e sigurisë ndaj tij.

“Asnjë çudi dhe asnjë surprizë nga drejtësia me regji e Narkoshtetit.

Desorosifikimi i drejtësisë është emergjencë kombëtare për çlirimin e shtetit dhe rivendosjen e shtetit të së drejtës dhe barazisë përpara ligjit për çdo qytetar.

Asnjë vendim gjykate dhe asnjë veprim i mjerë i Narkoregjimit nuk e ndal dot betejën e Partisë së Lirisë për çmontimin e Narkoshtetit, rikthimin e shtetit ligjor, mbrojtjen e lirive, të drejtave dhe dinjitetit njerëzor, të demokracisë e pluralizmit dhe vënien sa më parë në jetë të 5 Prioriteteve tona për 4 milion shqiptarë plus,” shkruan Meta.