Berisha: Kandidatët nuk kanë ikur se ishin në listë të hapur! Një pjesë preferuan të vazhdojnë jetën e tyre private

Kryetari i PD, Sali Berisha, gjatë fjalës së tij në deklaratën për media të mbajtur ditën e sotme u shpreh se deputetët kanë pranuar verdiktin e listës dhe nuk nuk është e vërtetë se kanë braktisur se nuk janë në zonë të sigurtë.

Berisha tha se, beteja kundër Edi Ramës zhvillohet jo nga opozitat e opozitës, se ato janë vetëm për të ndihmuar Edi Ramën, por ajo zhvillohet në gjirin e aleancës më të fuqishme që ka njohur Shqipëria, ‘Aleanca për Shqipërinë Madhështore’.

“Një pjesë, nuk është e vërtetë se kanë braktisur se nuk janë në zonë të sigurtë. Një pjesë e tyre, më përpara kanë bërë të ditur se nuk do të hyjnë në garë.

Dhe cilido, le të bëjë një check up tek lista e kandidatëve që kanë hyrë në garë. Pra, kanë preferuar të vazhdojnë jetën e tyre private.

Në tërësi, deputetët kanë pranuar verdiktin e listës. Tani, nuk po flas për ndonjë që nuk e pranoi verdiktin, po unë mendoj se beteja kundër Edi Ramës zhvillohet, jo nga opozitat e opozitës, se ato janë vetëm për të ndihmuar Edi Ramën, po ajo zhvillohet në gjirin e aleancës më të fuqishme që ka njohur Shqipëria, Aleanca për Shqipërinë Madhështore”, tha Berisha.