Gazeta RD
Lideri i opozitës, Sali Berisha ka shpjeguar për opinionin publik se përse PD ka denoncuar deri tani me video manipulimin zgjedhor në Elbasan për farsën e 11 majit. Sipas Berishës, fillimisht i kanë dorëzuar pamjet e Elbasanit dhe tani do marrin edhe të qarqeve të tjera.
“Nuk janë marrë akoma videot, sepse ka pasur probleme me dorëzimin e videove nga KQZ, qarqeve që kanë kërkuar videot.
Tani janë dorëzuar atje sepse kërkonin depozita të mëdha me kapacitete të mëdha për marrjen e videove, dhe tani sapo të dorëzohen nga KQZ, do fillojë shqyrtimi i tyre.
Kjo është pra.
Videot e parë që janë dorëzuar nga KQZ, janë videot e Elbasanit, janë disa të Vorës, por ato të Vorës janë të prera në mënyrë të papërshtatshme.
Pret Tirana t’i marrë, ka depozituar kapacitetin për depon e videove, që ishte shumë i madh. Por u gjet dhe do dorëzohen”, tha Berisha.
