Ligji që Trump kërkon të hetojë Soros prek edhe individë jashtë SHBA

Basir ÇOLLAKU

Ç’është ligji RICO me të cilin Trump paralajmëroi klanin “Soros” dhe lidhjet e tyre?

Është ligj federal amerikan hyrë në fuqi që më 15 tetor 1970. RICO(Racketeer Influenced and Corrupt Organizations- Organizatat me synim zhvatjen dhe korrupsionin), hartuar nga G. Robert Blakey, në aspektin penal parashikon dënime deri 20 vjet burg dhe konfiskim pronash e pasurish, ndërsa në planin civil, zhdëmtimin e viktimave individuale ose/dhe kolektive të krimit.

Ai shënjestron jo vetëm individë, organizata, por dhe insitucione të infiltruara ose në shërbim të këtyre krimeve.

Ky ligj është përdorur nga drejtësia amerikane jo vetëm kundër klaneve Gambino, Lukeze, Bonano etj, por dhe kundër Departamentit të Policisë së Key West në Florida, në 1984 dhe atij të Los Anxhelosit, në 2000.

Ky ligj është përdorur dhe përdoret edhe kundër individëve, firmave ose entiteteve ndërkombëtare dhe/ose të huaja që direkt ose indirekt janë përfshirë me subjekte të RICO në SHBA…