Tjetërsimi i pronave në Lezhë, 10 urdhër-arreste, mes tyre zyrtarë dhe policë

Dhjetë urdhër-arreste janë lëshuar në kuadër të hetimeve për tjetërsimin e pronave në zonën e Lezhës. Mes të ndaluarve ka zyrtarë publikë dhe efektivë policie.

Veprimet janë kryer me urdhër të Prokurorisë dhe vendim të Gjykatës, si pjesë e një hetimi që ka nisur prej disa kohësh.

Mes tyre janë Gentian Malotaj, ish-drejtor i Kadastrës dhe Artur Shabaku, ish-shef i Legalizimeve, ndaj të cilëve u caktua masa e arrestit në shtëpi.

Sipas informacioneve, bëhet fjalë për prona dhe ndërtime pa leje në zonën e Patokut dhe të Shëngjinit. Bëhet fjalë për një hetim të nisur kohë më parë të drejtuar nga prokurorja Iva Harka, ndërkohë që ende nuk dihen detaje.

Emrat

Pjetër Tuçi – “arrest në burg”,

Gentian Malotaj, ish-drejtor i Kadastrës – “arrest në shtëpi”,

Artur Shabaku, ish-shef i Legalizimeve – “arrest në shtëpi”,

Artmir Maxhuni, zyrtar i Kadastrës – “arrest në shtëpi”,

Luiza Bala – “arrest në shtëpi”,

Hekuran Xhina – “arrest në shtëpi”,

Flor Gjini, ish-drejtor i IKMT – “ndalimi i daljes jashtë shtetit”,

Kol Malaj, ish-drejtor i IKMT – “ndalimi i daljes jashtë shtetit”,

Martin Ndoka, polic zone në Shëngjin – “pezullimi i ushtrimit të një detyre publike” dhe “ndalimi i daljes jashtë shtetit”.