Gazeta RD
Kryetari i PD, Sali Berisha paralajmeroi sot se rrugët e kryeqytetit do të shndërrohen në tmerrin e regjimit, në triumfin e lirisë, në triumfin e qytetarëve me protestën e 24 janarit.
“Edi Rama është një narko-diktator i cili vjedh shqiptarët nga mëngjesi gjer në darkë.
Qeveritarët e tij janë shushunja të vërteta që depozitojnë pasuri përrallore nga taksat e qytetarëve dhe pasuritë publike.
Është jetike, është vendimtare t’i përmbysim këta kriminelë dhe t’i çojmë përpara ligjit.
Shqipëria nuk do ketë kurrë Kushtetutë dhe ligj pa triumfin e opozitës, pa triumfin e qytetarëve, pa kryengritjen paqësore të shqiptarëve.
Le ta bëjmë ne natën ditë këtë javë, të trokasim në çdo votër, në çdo derë, në çdo zemër në Tiranë dhe kudo.
Sheshet dhe rrugët e kryeqytetit të shndërrohen në tmerrin e regjimit, në triumfin e lirisë, në triumfin e qytetarëve”, tha Berisha.
