Edhe Korça në protestë: Dorëheqje, Rama në burg!

Thirrjes për t’u bashkuar në protestë i janë përgjigjur edhe banorët e Korçës. Qindra qytetarë janë mbledhur në Zonën Këmbësore të qytetit, ku kanë mbajtur edhe një minutë heshtje në shenjë respekti për efektivin e vrarë një ditë më parë, Enea Mekolli.

Protestuesit kanë mbajtur flamuj dhe pankarta në duar, ndërsa kanë bërë thirrje të forta si “Revolucion”, “Rama në burg”, duke shprehur pakënaqësinë ndaj qeverisë dhe politikave aktuale.