Berisha kërkon lirimin e menjëhershëm të protestuesve të arrestuar

Reagimi i Partisë Demokratike

Stop terrorit dhe dhunës të Padrinos ndaj protestuesve paqësor!

Sonte Edi Rama provokoi rëndë protestuesit paqësor nga zyra e tij dhe urdhëroi narko-policinë t’i sulmonte ata pa asnjë motiv me shkopinj, shkelma, topa uji dhe mjete të tjera. Disa protestues u lënduan me plagë nga dhuna policore, të tjere u morën forcërisht pa asnjë shkak në rajonin e policisë.

Partia Demokratike duke shprehur solidaritetin e saj me protestën rinore-qytetare, dënon me forcën më të madhe dhunën e egër të urdhëruar nga Padrino ndaj protestuesve dhe kërkon lirimin e menjëhershëm të personave të shoqëruar në polici.