Gazeta RD
Shkëlqim Hysaj Lepenica
Më 17 shtator 1946, forcat komuniste rrethuan në Shkodër Jup Kazazin, një nga udhëheqësit e Kryengritjes së Postribës.
Ai nuk ishte thjesht kundërshtar i regjimit.
Ai ishte në krye të një kryengritjeje që mori armët kundër diktaturës komuniste.
Postriba u ngrit kundër pushtetit që po shkatërronte lirinë politike, po burgoste kundërshtarët dhe po vendoste terrorin si mënyrë qeverisjeje.
Pas kryengritjes erdhi hakmarrja e regjimit, arrestime, pushkatime, burgime dhe dënime të rënda.
Jup Kazazi e dinte se çfarë e priste nëse kapej.
MË MIRË VDEKJA SE NË DUART E KOMUNISTËVE.
Dhe nuk u dorëzua.
Më 17 shtator 1946, Jup Kazazi ra.
Por ajo që nuk mundën të merrnin komunistët ishte vullneti i tij për të mos u nënshtruar.
Prandaj Postriba nuk është thjesht një faqe e historisë.
Është dëshmi se, që në vitet e para të regjimit, pati shqiptarë që u ngritën kundër diktaturës me armë në dorë.
Jup Kazazi zgjodhi vdekjen.
Postriba zgjodhi qëndresën.
Diktatura zgjodhi terrorin.
80 vjet më pas, emrat e tyre janë ende këtu.
Kujtojmë. Dëshmojmë. Nuk Harrojmë!
