Gazeta RD
Pavarësisht se ethet e pandemisë COVID-19 dhe varianteve të reja vijojnë të mbajnë mbërthyer mbarë globin, një pjesë e konsiderueshme e shqiptarëve kanë zgjedhur t’i kalojnë pushimet e fundvitit jashtë vendit, një trend ky që rritet çdo vit.
Një ndër arsyet kryesore që nxit këtë tendencë është çmimi i arsyeshëm, sidomos në ofertat për vendet e rajonit.
Rritja e vaksinimit të popullatës ofron mundësinë e vizitimit të shumë shteteve ndaj jo rrallëherë raportohet që një pjesë e të rinjve janë vaksinuar pikërisht për këtë arsye: të udhëtojnë.
Edhe këtë vit, destinacionet e preferuara për shqiptarët duket se janë Mali i Zi dhe Stambolli.
Por kur planifikoni të udhëtoni, sigurohuni më parë të keni sigurimin e duhur shëndetësor me vete.
- POR ÇFARË MBULON “SIGURIMI SHËNDETI NË UDHËTIM” NGA SIGAL UNIQA?
“Përballja me një problem shëndetësor të papritur shkakton shqetësim dhe panik, sidomos kur jemi larg shtëpisë. Pa harruar këtu edhe shpenzimet mjekësore që shpesh, në shtete të caktuara, janë shumë të kushtueshme.
Në disa raste të siguruarit kanë kaluar një situatë të paparashikuar me shëndetin e tyre jashtë vendit dhe u është dashur të paguajnë shuma marramendëse për t’u rikuperuar.
Për këtë arsye, SIGAL UNIQA sjell produktin “Sigurimi i Shëndetit në Udhëtim”, i cili ju mbron financiarisht për çdo emergjencë mjekësore jashtë vendit.
Konkretisht, ky siguracion mbulon:
Shpenzimet për emergjenca mjekësore në rast sëmundje apo aksidenti jashtëShqipërisë
Anullim Udhëtimi
Evakuim mjekësor dhe riatdhesim
Si dhe Emergjencat dentare”, shprehet për Top News Eledia Mullaj, specialiste e marrjes në sigurim pranë SIGAL UNIQA Group Austria.
Kur nisesh me pushime dhe mbi të gjitha kur çdo gjë e ka të paguar paraprakisht mendon vetëm të kalosh bukur. Por surprizat nuk mungojnë asnjëherë.
Një shembull konkret është ai i 13-vjeçarit H.L, i cili pësoi një dëmtim teksa pushonte në një resort në Antalya të Turqisë.
Ai u transportua në një prej spitaleve më të mirë të zonës, Özel Akdeniz Hastanesi Manavgat.
Mirëpo falë Sigurimit “Shëndet në Udhëtim” nga SIGAL UNIQA me vlerë vetëm 4 euro ai mbuloi kostot spitalore deri në 5500 euro.
“Ishim për pushime verore me familjen në një prej resorteve më të mira të Antalyas. Por teksa ishte duke luajtur djali im 13-vjeçar pësoi një aksident.
Na u desh ta çonim menjëherë në spital për shkak të një frakture në kyçin e dorës dhe mjekët e futën direkt në sallën e operacionit.
Si spital privat që ishte kostot ishin me të vërtetë të larta. Por falë sigurimit në udhëtim nga SIGAL UNIQA arriti të kurohej në një kohë rekord”, rrëfen nëna e 13-vjeçarit.
