Gazeta RD
Kryetari i shkarkuar i PD, Lulzim Basha tashmë ditë pas dite vijon të braktiset nga demokratët.
Në tentativat e tij për të vijuar të mbajë vulën e PD, sot Lulzim Basha ka njoftuar një takim me “demokratët” në Fier.
Por, Lulzim Basha është pritur me protesta nga demokratët e Fierit.
Nga ana tjetër ka edhe një detaj. Takimi i Lulzim Bashës po mbahet në Teatrin Bylis në Fier, i cili ka kapacitet 520 veta.
Por, pas dështimit të Lulzim Bashës, i cili është braktisur në masë nga demokratët, duket se në ndihmë i ka ardhur “aleati” i tij në Qeveri, kryeministri Edi Rama.
Burime për CNA.al bëjnë të ditur se 150 persona ia ka çuar kryebashkiaku i Fierit, Armando Subashi.
Rreth 100 persona, Balili i Patosit.
100 persona janë punonjës të Bashkisë së Lushnjes dhe Divjakës.
Ndërsa pjesa tjetër janë punonjës të kompanisë së vellait të Agron Kapllanaj.
Demokratë nuk ka në takimin e Bashës. /CNA.al
