Gazeta RD
Nga Denisa VATA
PD e Matit 31 vite!
Unë kam moshën e pluralizmit të këtij vendi, kam moshën e Partisë Demokratike dhe dua që demokratët çdo ditë e më shumë të bëhen të zotët e saj.
Partia Demokratike e Matit duhet të jetë streha e çdo matjani intelektual, që mendon për vendin tonë.
Fuqia mendore e PD, jo domosdoshmërisht janë kryetarët apo deputetët e saj, fuqia morale e Partisë Demokratike janë ata që mbështesin pa kërkesa për karrige.
Do doja t’iu shkund pluhurin e harresës të gjithë atyre që pretendojnë progres duke zbehur kontributin më të çmuar demokratik, në themelet e të cilit ecin sot dhe pretendojnë ta ngrenë peshë për ta ringritur PD në emrin e saj të madh dhe misionin e saj demokratik…
Duhet të përballemi me veten.
Drejtues e ish-drejtues, kontribues dhe ish-kontribues, duhet të kthejmë në familjen tonë peshoren e së vërtetës. T’i japim secilit atë që meriton bashkë me përgjegjësitë.
