Thirrja e Berishës nga Durrësi: Më 6 mars votoni ndryshimin, mjaft më me Ramën!

Ish-Kryeministri Sali Berisha ka hapur sot fushatën në Durrës, një muaj para votimeve për 6 bashki në vend. Berisha ka prezantuar kandidatin Ardi Muka, si kandidat të koalicionit “Shtëpia e Lirisë”, për kryetar të Bashkisë së Durrësit.

Ai iu drejtua veçanërisht kosovarëve në Durrës, ku ka një komunitet të madh për të votuar kandidatin Muka, teksa e cilësoi kryedemokratin Lulzim Basha si njeri apatrid në qëndrimet politike dhe sulmoi Ballkanin e Hapur.

Berisha tha se, pas Enver Hoxhës, Edi Rama është armiku numër një i Kosovës, i cili sipas tij ka blerë me para heshtjen e Bashës.

“Asnjëri të mos i lejojë vetes një gabim të tillë. Kurse vota për kandidatin e Lul Bravës, është absolutisht fiks votë për Edi Ramën dhe pushtetin e tij, asnjë dyshim. Ai e di dhe Lulzim Basha e di se çfarë diskreditimi ekstrem ka pësuar ai, në historinë politike të Europës nuk gjen një ish-kryetar partie të ketë pritur me gaz, blinda anëtarët e partisë së tij që tre muaj më parë kishin votuar për të.

Vota për Lul Bravën është njëlloj sikur ta hedhësh në një pus të zi. Sepse është vetëm humbës. Në qoftë se ka njeri në skenën politike të Shqipërisë që këto 30 vite hyri dhe po del si humbës, ky e ka emrin Lulzim Basha, brava. Ndaj dhe thirrja ime vëllazërore, çdo votë për Ardi Mukën, kandidatin e koalicionit të fitores. Ju ftoj ju gjithashtu të votoni jo vetëm për dinjitetin tuaj si njerëz të lirë, por edhe për atdhetarizmin, patriotizmin tuaj. Nuk mund të ndërtohet Shqipëria kurrë nga njerëz që nuk e duan. E ndërtojnë burrat dhe gratë, djemtë dhe vajzat që e duan atë. Çfarë po ndodh sot. Sot Edi Rama e ka shndërruar Shqipërinë në një vasal të Beogradit. Kam biseduar me shumë fermerë. Që të gjithë rrëqethen para idesë së Ballkanit të Hapur sepse do të thotë konkurrenca më e pandershme. Në Shqipëri, në mënyrën më fatkeqe, fermerët kanë filluar të therin lopët sepse nuk përballojnë dot qumështin serb, që prodhohet me subvencione të mëdha, këtu nuk jepet asnjë qindarkë.

Në 2013 Shqipëri tejkaloi nevojat e veta për qumësht dhe vezë dhe filloi të eksportojë, sasi jo të pakët sepse kishin një mbrojtje të merituar prodhimet tona. Por të kundërtën për Ballkanin e Hapur… do të më thoshte një ndërtues, mirë shumë për “Ballkanin e Hapur”, pse i thashë mirë shumë, sepse shes apartamente. Për hir të tij, nuk mund të shkatërrojmë një Shqipëri të tërë bujqësore sepse tokë nuk kemi shumë, por e kemi të klasit më të lartë. Dhe në rrafshin politik, Ballkani i Hapur është vasalitet ndaj Serbisë dhe influencë e Rusisë. Iu bëj thirrje banorëve të Durrësit, u bëj thirrje banorëve të Katundit të Ri, të Rrashbullit  dhe kosovarëve kudo ku janë, se pas Enver Hoxhës, armiku numër një i Kosovës është Edi Rama, i cili ka blerë me para heshtjen e Lul bravës, i cili thotë njëherë se i kam rrënjët në Kosovë, njëherë në Dibër, por në fakt në qëndrimet politike paraqitet apatrid (pa shtet) njësoj si Edi Rama. Stop me Edi Ramën! Mjaft me Edi Ramën! Boll me Edi Ramën! Më 6 mars nuk votoni vetëm për Ardi Mukën, votoni për ata qindra mijëra, të rinj e të reja që morën rrugët e Europës. Votoni për diasporën shqiptarë. Është një votë sa lokale, aq kombëtare. Është një votë sa individuale, sa e rëndësishme për mbarë kombin shqiptar”, deklaroi Berisha.

Berisha, deklaroi se primaret ishin të hapura edhe për Luan Hotin, por ai nuk donte ti nënshtrohej votës së demokratëve, por u bë kandidat i Lul Bravës.

“Në primaret e 30 janarit, asnjë kandidat nuk erdhi nga kryesia, Sali Berisha apo kushdo tjetër, por erdhi nga ju. Dyert e primareve ishin të hapura edhe për Luan Hotin, por ai nuk donte të vendosej para votës tuaj. Dhe ai zgjodhi të mos jetë kandidat i juaj, por i Lul Bravës.

Prandaj ju ftoj ju, banorët e Durrësit në 6 mars çdo votë për kandidatin e lirisë, të ‘Shtëpisë së Lirisë’, Ardi Mukën. Vota për kandidatin e Edi Ramës dhe peshkaqenit më të madh që ka parë bregu i Durrësit, Gjush Dakos, është votë e humbur, drejt të shkuarës, për varfërinë.

Asnjeri të mos i lejojë vetes një gabim të tillë. Vota për kandidatin e Lul Bravës është votë për Edi Ramën dhe pushtetin e tij. Ai e di dhe Basha e di se çfarë diskretidimi ekstrem ka pësuar. Nuk askund në Europë, një ish-kryetarë partie që pret me gaz e blinda anëtarët e partisë së tij që 3 muaj më parë e kishin votuar dhe për 8 vite kishin derdhur djersë për të.

Vota për Lul Bravën është njësoj si ta hedhësh në një pus të zi, sepse është vetëm humbës, humbës, humbës. Nëse ka një njeri që ka hyrë në politikë dhe po del i humbur, ky e ka emrin Lul Brava.Thirrja ime, çdo votë për Ardi Mukën, kandidatin e lirisë”,tha Berisha.

About Redaksia

Check Also

Berisha: Festojnë nën kujdesin e qeverisë me portretin e Hitlerit shqiptar, babait shpirtëror të Ramës

Kryetari i Partisë Demokratike Sali Berisha ka publikuar videon e idhtarëve të diktatorit Enver Hoxha …

Leave a Reply

Your email address will not be published.