Gazeta RD
Kandidati i “Shtëpisë së Lirisë”, Elton Bano tha se, pas 6 marsit Bashkia e Lushnjes do të jetë për qytetarët e jo më mbi qytetarët. Ai tha se e kërkon votën e qytetarëve për të ndryshuar bashkinë e marrë peng.
“Më 6 Mars unë e kërkoj votën tuaj që të rikthej bashkinë për qytetarët e jo mbi qytetarët”, u shpreh Bano.
Gjithashtu kandidati i dalë nga primaret tha se këto primare i dhanë fund edhe praktikës që u bë e zakonshme nga uzurpuesit e vulës.
“Anetarët e PD Lushnje dhe të 5 bashkive të tjera vendosën një standart të ri në zgjedhjen e përfaqësuasit të tyre që tejkaloj ndikimin jo vetëm në forcën tonë politike. Procesi vendimarrës i anëtarësisë që ne kryem, tregon konceptin tonë të drejtimit të pushtetit tonë nesër.
Sikurse është fundi i asaj që u bë një praktikë e zakonshme nga uzurpuesit e sotëm të vulës për shumë vite me radhë. Të nderuar qytetarë, e duam Lushnjen tonë dhe na dhemb gjendja ku është katandisur sot”, tha Bano.
