“Basha nuk na ka mbështetur”, banorët që po u shemben shtëpitë takojnë Berishën para Kuvendit

Banorët e zonave ku po shkatërrohen shtëpitë për disa projekte kontroverse qeveritare, protestuan sërish përpara Kuvendit. Ata kërkuan ndihmën e liderit historik demokrat, Sali Berisha, i cili u shfaq në krahun e tyre. Banorët akuzuan se Lulzim Basha nuk ka reaguar ndaj shqetësimit të tyre.

Duke folur përpara protestueses Laureta Nikolli, Berisha tha se, e mbështet plotësisht kauzën e tyre.

“Unë e kam denoncuar shumë herë si një akt çnjerëzor, korruptiv dhe antikushtetues qëndrimin ndaj jush. Të gjithëve ju u takon në një vend normal, të përfitoni nga ligji i posedimit në mirëbesim dhe klauzolat e tij.

Akti është: asgjësohet ligji këtu, sepse janë përfaqësuesit e niveleve të këtij parlamenti, është Salillari dhe Kapllan-pallati që ndërtojnë kulla aty 30-katëshe dhe nuk pranojnë t’u japin ju 10-përqind të sipërfaqes siç ju takon. Juve nuk jepet kjo, sepse përqindjen që u takon juve, ia japin Erion Veliajt, Edi Ramës dhe Lulzim Bravës.

Unë kam admirimin më të madh për qëndresën tuaj. Po përgatisim një ndërhyrje ligjore në favorin tuaj, pasi në vitin 2016 këta kanë nxjerrë urbanizimin para legalizimit. Sfida jonë është të mobilizojmë qytetarët e Tiranës dhe Kamzës që të ngrihen në mbështetjen tuaj, pasi kjo e drejtë po u shkelmohet dhjetëra-mijëra familjeve. Banorët protestues janë viktima të korrupsionit dhe vjedhjes qeveritare. Asnjë ndërtues që ka ngritur blloqe të mëdha në Tiranë, nuk ka krijuar konflikte, por iu është përgjigjur me sipërfaqen që u takon pronarëve, por këtë nuk e bën shteti, sepse është narko-shtet. I pari që duhej të bënte këtë, është narkoshteti. Kjo është mafie e drogës dhe krimit.

Ndaj duke mbështetur plotësisht kauzën tuaj se do të dënoj me forcë qëndrimin e kësaj mazhorance. Kërkesën tuaj do ta përcjell, sepse ne kemi një komision kolegjial dhe e quajmë të drejtë këtë kërkesë”, tha Berisha.

About Redaksia

Check Also

Foto-lajm, vërshim popullor në bulevard

Dhjetra mijëra protestues kanë mbushur bulevardin “Dëshmorët e Kombit”. Protesta kombëtare e opozitës po zhvillohet …

Leave a Reply