Gazeta RD
Lionel Messi e pati një tjetër paraqitje të zbehtë në fanellën e Paris Saint-Germainit. Ylli argjentinas ishte një hije në “Santiago Bernabeu”, teksa e pa ekipin e tij duke humbur 1:3 dhe duke u eliminuar nga Liga e Kampionëve.
Dhe, shtatë herë fituesi i Topit të Artë u kritikua ashpër nga mediat franceze për paraqitjen e tij të radhës. Ai është larg paraqitjeve që jemi mësuar ta shihnim në fanellën e Barcelonës. Madje, mediumi “Le Parisien” e ka vlerësuar atë me notën 4.
“Nuk po shihet më versioni i tij më i mirë i kampionit të madh që është ai”, ka shkruar mediumi i njohur francez.
Messi ishte transferuar në “Parkun e Princave” nga Barcelona vitin e kaluar si lojtar i lirë. Por, deri tash ka hasur në vështirësi për t’i shfaqur vlerat e tij në kryeqytetin francez.
