Berisha: Zgjdhjet e 6 marsit dëshmuan qartë opozitën e vërtetë të vendit

Lideri Historik i PD, Berisha duke folur për situatën në Partinë Demokratike me demokratët e Athinës, tha se, pas disa humbjeve njëra pas tjetrës të PD u ndërmorr nisma për rithemelimin e PD.

“Në këto 5 muaj përpjekjet e PD për shndërrimin e saj në një opozitë të vërtetë janë zhvillimi më pozitiv i Shqipërisë. Kaluam në disa etapa, si Kuvendi i 11 dhjetorit, referendumi i 18 dhjetorit dhe se fundi zgjedhjet e 6 marsit.

Zgjdhjet e 6 marsit, të dashur demokratë, dëshmuan qartë para shqiptarëve opozitën e vërtetë të vendit. Partia Demokratike e vërtetë mori mbeshtetjen e 70 përqind të elektoratit të djtathtë. Pra kemi një kthim të fuqishëm të PD si një forcë opozitare.

Duhet ta pranojmë se PD kaloi një krizë të vertetë e cila përbën edhe sfidën më të madhe për ne për kapërcimin e saj. Prandaj ne kemi dalë me thirrjen për bashkimin e të gjitha demokratëve reth votës së lire.

Vota e lirë përbën thelbin e lirisë. Respekti i saj është detyrim moral i çdo demokrati. Pa kthimin e votës së lirë kjo forcë nuk mund të jetë demokratike.

Unë kam besim te demokratët. Kam besim ne sakrificën e tyre, idealet tyre që ata do të punojnë fort për bashkimin e tyre në interesin më të mirë të tyre dhe të vendit.

Misioni i PD është mision historik. Ne duhet të shpëtojmë shoqërinë shqiptare nga një regjim i cili nuk ka asnjë gjë të përbashkët me një regjim demokratik.

Një regjim që nuk ndjek intersa të tjera përveç pasurimit të qeveritarëve. Një regjim që ka si orientim korrupsionin dhe arrogance”, u shpreh Berisha.

Ai tha se, një kuadër i ri ligjor do të bëhet për tërheqjen e investimeve nga diaspora jonë për shpejtimin e rritjes ekonomike të Shqipërisë. “Çështjet e bashkëpunimit me emigracionin shqiptar do të jetë një përparësi kryesore e PD me rithimin e saj në pushtet”, tha Berisha.

About Redaksia

Check Also

BIRN: Amendamentin për amnistimin e zyrtarëve të korruptuar e propozoi Ndreca

Relatori socialist në Komisionin e Ligjeve dhe ministri i Drejtësisë i hapën rrugën përfshirjes së …

Leave a Reply