PD denoncon aktin Basha-Alibeaj: Përpjekje e dëshpëruar e Edi Ramës për të mbajtur peng vulën e PD

Partia Demokratike ka reaguar ndaj lajmeve se është dorëzuar një ankimin në lidhje me vendimin e gjyqtarit Agron Zhukri, që njohu pak ditë më parë statutin e ri të PD, të miratuar nga Kuvendi i 11 dhjetorit.

‘Sqarojmë se askush nuk mund të ndërmarrë veprime në emër të Partisë Demokratike’, thuhet në reagimin zyrtar të selisë blu.

Deklarata e plotë e Partisë Demokratike

PD: Alibejaj është shkarkuar si Nënkryetar i PD; nuk plotëson asnjë kriter legjitim për t’u ankuar.

Nga mediat jemi vënë në dijeni që nën emrin e Partisë Demokratike është paraqitur një kërkesë ankimore kundër vendimit nr.1346/222 dt.25.03.2022 të Gjykatës së Rrethit Gjyqësor Tiranë nënshkruar nga Enkeled Alibeaj.

Së pari, sqarojmë se askush nuk mund të ndërmarrë veprime në emër të Partisë Demokratike. Kuvendi Kombëtar i PD dt.11 dhjetor 2021, ka mandatuar si të vetmin organ drejtues të Partisë Demokratike Komisionin e Rithemelimit të Partisë. Gjithashtu, Kuvendi ka shkarkuar Z. Alibeaj si nënkryetar i Partisë Demokratike. Pra, nuk përfaqëson PD në asnjë marrëdhënie me të tretët.

Së dyti, përsa i takon kërkesës ankimore, ajo është paraqitur nga persona të palegjitimuar të bëjnë ankim kundër vendimit të mësipërm të gjykatës.

Kodi i Procedurës Civile përcakton:

Neni 442/a

Ankimi

‘Ankimi është akti me të cilin palët ose pjesëmarrësit e tjerë në proces parashtrojnë kundërshtimet e tyre ndaj vendimit të gjykatës dhe veprimeve të përmbaruesit gjyqësor, për të mbrojtur të drejtat dhe interesat e tyre’

Pra, vetëm palët ose pjesëmarrësit e tjerë në proçes mund të bëjnë ankim. Askush tjetër.

Me ‘palë’ kuptohet i padituri dhe personi i tretë.

Me ‘pjesmarrës te tjerë’ kuptohet Avokati i Shtetit, i Popullit ose Prokurori atëherë kur ligji ua detyron pjesëmarrjen në një proces civil.

Ankimuesi, në këtë rast, nuk ka qenë as palë e as pjesëmarrës në proçes dhe nuk plotëson asnjë nga kriteret legjitimues për tu ankuar.

Ky gjykim është zhvilluar konform procedurës pa të paditur, pa persona të tretë dhe pa asnjë pjesëmarrës tjetër. Vetëm me ‘kërkues’ Komisionin e Rithemelimit të PD. Njëlloj si në të gjitha rastet e tjera të këtij tip procesi.

Në këto kushte, Sekretaria e Gjykatës ku është paraqitur kërkesa ka detyrimin tua kthejë mbrapsht atë konform kritereve të Kodit të Procedurës Civile.

Së fundmi, PD denoncon aktin Basha-Alibeaj si përpjekje e dëshpëruar e Edi Ramës për të mbajtur peng vulën e PD kundër vullnetit të shumicës së demokratëve të shprehur qartë në kuvendin e tyre më 11 Dhjetor 2021 dhe të certifikuar në kutitë e votimit më dt. 6 mars 2022.

About Redaksia

Check Also

Berisha: Metamorfoza e Altin Dumanit, krahasime mes Task-Forcës së 2008-2009 me SPAK 2022-2023

Kryetari i Partisë Demokratike, Sali Berisha në një deklaratë për mediat, ka bërë një krahasim …

Leave a Reply