Gazeta RD
I ftuar në Task Force në SYRI TV me Sonila Meçon, anëtari i Komisionit të Rithemelimit Genc Pollo ka folur në lidhje me zgjedhjen e Presidentit të Republikës.
Pollo ka paralajmëruar se kjo verë do na gjejë me një president i cili do të kontrollohet absolutisht nga Rama.
Presidenti i Republikës ka një rol të rëndësishëm për demokracinë, duke iu referuar presidentëve paraardhës si Nishani apo Meta dhe sipas Pollos, një gjë e tillë ka shumë shance që të mos vijojë pasi Rama do kontrollojë lëvizjet e presidentit të radhës.
Pollo: Nuk duhet të jemi më optimist se na lejon realitit. Kushtetuta është e qartë që Presidenti zgjidhjet në raundin e katër me shumicë të thjeshtë dhe Rama e ka dhe e kontrollon. Duhet të përgatitemi që në krye të shtetit do të kemi një person që Rama beson se e kontrollon në lëvizjet e tij apo saj.
Ideja është që roli i Presidentit të Republikës, përveç funksioneve kushtetuese të jetë edhe një gurë mozaiku në balancën demokratike të shtetit dhe volit që të mos jetë me ngjyrat e partisë ne pushtet.
Kjo është realizuar gjatë kohës së Bujar Nishanit edhe Ilir Meta edhe pse u zgjodh me votat e partisë në pushtet e ka luajtur rolin e kundërshtisë në raport me ligjet antikushtetuese ligjet korruptive dhe ka qënë një shërbim për demokracinë shqiptare. Nga vera e tutje druem se nuk do kemi një person që do ta ushtrojë këtë rol.
