Vizita e Ramës në Berlin për nisjen e negociatave/ “EurActiv”: Situata nuk është rozë…

Kryeministri shqiptar, Edi Rama, vizitoi Berlinin, ku mori mbështetje nga kancelari gjerman, Olaf Scholz për nisjen e negociatave.

Por sa reale është kjo perspektivë?

Portali i Brukselit, EurActiv shkruan se, situata nuk është rozë, pavarësisht se lufta në Ukrainë ka shtuar gjasat që integrimi të përshpejtohet.

“Në Bruksel, ndërkohë ekziston një ndjenjë se zgjerimi i BE-së ka vdekur dhe se për Shqipërinë u votua unanimisht për të vazhduar anëtarësimin, duke e ditur se vetoja e Bullgarisë ndaj Maqedonisë së Veriut do të zhbënte përparimin”.

Kurse kryeministri Edi Rama pretendon se do shkëputet nga Maqedonia e Veriut, pasi ajo po bllokon integrimin e Shqipërisë.

“Sipas burimeve të tjera, Shqipërisë dhe Maqedonisë së Veriut do t’i jepet drita jeshile pas ofertës së Ukrainës për anëtarësim në qershor. Një opinion mbi pranimin e mundshëm të Ukrainës, duke përfshirë edhe nëse procedura mund të jetë e përshpejtuar, pritet në të njëjtin muaj.

Sipas burimeve, një vlerësim pozitiv për Ukrainën mund të mos jetë në horizont”, shkruan gazetarja Barbara Halla.

About Redaksia

Check Also

Lubonja: Kemi një bandë të madhe që ka krijuar një sistem për të mbajtur në pushtet Edi Ramën

Analisti Fatos Lubonja në një lidhje Skype me emisionin “Open”, tha se nga dosja Metamorfoza …

Leave a Reply