Gazeta RD
Deputeti Edi Paloka shkruan në një postim në Facebook se, më 25 prill u mbush një vit që kur Edi Rama mori mandatin e tij të tretë qeverisë dhe demokratët, në vend që ishin në betejë për rrëzimin e tij, falë tre personave që i fajëson dhe akuzon vetëm me iniciale, janë ende në përpjekje për t’u bashkuar dhe shpëtuar pluralizimin në vend.
Reagimi i Palokës
Një vit më parë Rama përmbylli masakrën elektorale dhe grabiti mandatin e tretë.
Pas një viti, në vend që të ishim në betejë për vendosjen e drejtësisë, rrëzimin e Ramës dhe rikthimin e demokracisë në vend, falë L.B, E.R dhe Y.K jemi në përpjekje për të ribashkuar PD dhe për të shpëtuar pluralizmin në Shqipëri.
Nuk është hera e parë që vihemi përballë sfidave të tilla. Po dhe këtë herë do ia dalim, siç ia kemi dalë dhe në situata më të vështira e në fund do të triumfojmë mbi të keqen.
