Gazeta RD
Deputetja demokrate Ilda Dhori komentoi në emisionin ‘Çim Peka Live’ zgjedhjen e Sali Berishës në krye të Partisë Demokratike. Dhori deklaroi se Berisha është padyshim lideri historik i demokratëve.
“Figura më me peshë sot në Partinë Demokratike. Do doja që këto rrethana, dita e djeshme të na sjellë një parti më konkurruese përballë Edi Ramës”, tha Dhori.
Më tej deputetja Dhori tha se Berisha ka fituar besimin e demokratëve përmes votës.”Berisha ka fituar me votë besimin e demokratëve. Brenda PD Berisha ka peshën më të madhe. Prej 9 shtatorit ka mbledhur demokratët pas vetes”, deklaroi Dhori.
Ajo shtoi gjithashtu se bashkimi i demokratëve mund të bëhet vetëm nga lart.
