Vokshi: Nuk do të ndalemi deri në rrëzimin e qeverisë së Ramës!

Deputetja e PD, Albana Vokshi deklaroi nga protesta para kryeministrisë se nuk do të ndalemi deri në rrëzimin e qeverisë së Ramës.

Vokshi tha se Edi Rama ka instaluar një regjim në Shqipëri që duhet shkatërruar ndërsa shtoi se sot është një ditë e mirë për demokratët dhe një ditë e keqe për Edi Ramën.

“Kam nderin të jem zëri i mijëra grave e vajzave që ngrenë zërin kundër nënshtrimit ndaj një regjimi që mbjell frikë e dëshpërim. Qindra mijëra janë mbledhur këtu sot. Jemi njerëz të sakrificës, sakrifikojmë përditë për familjet tona.

E ngremë zërin pa patur frikë nga ky regjim që do të na mbyllë gojën. Sot është një ditë e mirë për demokracinë dhe një ditë e keqe për Edi Ramën dhe qeverinë e tij.

Rama nuk na gënjen dot, i themim që nuk na blen dot, largohu. Sot nisim një rrugë me një drejtim, përpara deri sa të largojmë kryeministrin më të keq e më të korruptuar.

Qeveria Rama është lukuni e babëzitur që nuk pyet për shqiptarët që jeton nën minimumin jetik. Babëzia e tyre nuk pyet për të rinjtë, nuk pyet për mijëra të papunë, nuk pyet për gratë kryefamiljare”, tha Vokshi.