Gazeta zvicerane: Shqipëria në rrezik, kërkohet dorëheqja e kryeministrit Edi Rama

Protesta e opozitës po bën xhiron e botës. Një nga gazetat më të rëndësishme në botën perëndimore, zvicerania 20Minuten, shkruan se, demonstruesit kërkuan dorëheqjen e kryeministrit Edi Rama.

“Shqipëria në rrezik- mijëra njerëz protestojnë kundër qeverisë”, titullohet shkrimi.

“Në kryeqytetin shqiptar, Tirana, demonstruesit po kërkojnë dorëheqjen e kryeministrit Edi Rama. Ai akuzohet për korrupsion mes të tjerash”, thekson gazeta.

“Në fjalën e tij, kreu i opozitës, Sali Berisha i bëri thirrje kryeministrit Edi Rama të japë dorëheqjen. Ai e akuzon atë për korrupsion, vjedhje dhe sjellje autoritare. Nën moton ‘Shqipëria në rrezik’, mbështetësit e Berishës marshuan para selisë së qeverisë në qendër të kryeqytetit shqiptar. Tubimi ishte i qetë”.

“Më herët, ish-presidenti dhe veterani politik njoftoi se demonstrata e të enjtes do të shënonte fillimin e një sërë protestash që synojnë rrëzimin e Ramës.

Në vitin 1992, Berisha ishte presidenti i parë i zgjedhur lirisht pas përfundimit të komunizmit. Ai ishte kryeministër nga viti 2005 deri në vitin 2013. Ai drejtoi gjithashtu Partinë Demokratike nacionaliste deri në vitin 2013”.

About Redaksia

Check Also

Polici bandit që terrorizoi protestuesit, i dënuar në Itali me 12 vjet burg për vrasje!

Ervin Zela, banditi që një ditë më parë terrorizoi qytetarët që protestuan para Bashkisë së …

Leave a Reply