Rritja e çmimeve dhe kriza ekonomike zbrazin bregdetin shqiptar

Turizmi në Shqipëri këtë vit duket se po has probleme. Disa ia vënë fajin çmimeve të kripura e krizës ekonomike, e disa mungesës së turistëve nga Europa Lindore.

Një nga perlat e jugut, bregdeti i Jalës këtë sezon turistik duket më bosh se asnjëherë më parë. Gazetari nga Vlora Enrik Mehmeti ka publikuar fotot nga plazhi që duket thuajse i shkretuar.

Mehmeti thotë se edhe pse çmimi i çadrave me dy shezlongë ishte ulur në 700 lekë të reja, sërish ato ishin të zbrazura, ndërsa thotë se duhet ndryshuar strategjia për vitet e ardhshme.

“Këto foto janë bërë në Jal vetëm një ditë më parë ku çmimet e çadrave ishin ulur në vetëm 700 lekë të reja me dy shezlon. E keni parë ndonjëherë një prej plazheve më të bukura në Shqipëri kaq shkretë? Po ashtu edhe në Himarë apo Sarandë paraqitet e njëjta pamje me plazhe të zbrazura. Lufta dhe çmimet bëjnë punën e tyre, por pritshmëritë nuk duhet të ishin si vitin e kaluar dhe parvjet për disa arsye. Vitin e kaluar ndryshe nga shumë vende të tjera që u mbyllën për shkak të pandemisë, Shqipëria ishte e hapur si për shqiptarët dhe si për shumë vende ballkanike e më gjerë. Kjo bëri që të kishte një fluks tejet të madh të turistëve nga këto vende duke e kthyer Shqipërinë në një destinacion kryesor turistik për dy vite.

Hapja dhe e vendeve të tjera bëri që dhe shumë shqiptarë, ballkanas dhe me radhë, të shkonin në ato vende që nuk arritën të shkonin gjatë pandemisë. Patjetër që dhe çmimet kanë ndikimin e tyre si pasojë e luftës dhe rritjes së çdo produkti por kurrë skam dëgjuar çmime në mase me 250 euro. Ditët e fundit i kanë sugjeruar miqve dhoma me 40,50 apo 60 euro në Lungomare apo Radhimë në hotele mjaft cilësorë por atë 250 në këtë periudhë nuk e pash askund (Edhe Marina Bay që është ndër më luksozët nuk e ka aq në këtë kohë).

Gjithsesi pas datës 15 korrik mendoj se turistët do jenë të shumtë në numër po ashtu kryesisht italianët, të cilët sipas informacioneve nga kompanitë e udhëtimit, do të vijojnë deri në mes të shtatorit. Ajo që duhet bërë është fakti që ky vit të jetë një mësim për vitet që do të vijnë, me qëllim që të ndërtohen strategji dhe atraksione që turistët e qershorit apo korrikut, të zgjedhin zonat e jugut”, shkruan gazetari.

About Redaksia2

Check Also

Thirrja e Berishës: Të shpëtojmë Tiranën, të premten…

Kryetari i PD Sali Berisha u ka bërë thirrje sot qytetarëve për të shpëtuar Tiranën …

Leave a Reply