Tentohet vrasja e dy policëve në Vlorë, u qëlluan nga një makinë në lëvizje

Dy punonjës policie kanë rënë pre e atentatit mbrëmjen e kësaj të premteje teksa po lëviznin me makinën e tyre private në lagjen “Partizani” në Vlorë.

Ngjarja ka ndodhur rreth orës 19:40, ku dy efektivët, njëri i Patrullës së Përgjithshme në Komisariatin e Policisë Vlorë, A.Bedinaj dhe tjetri me inicialet N.M., me detyrë punonjës i Policisë Kufitare Sarandë janë qëlluar nga një automjet në lëvizje tip “Volkswagen”.

Për fat efektivët e policisë nuk kanë marrë lëndime, teksa nuk dihen rrethanat e kësaj ngjarjeje dhe as identiteti i autorit.

Nga sa mësohet në vendin e ngjarjes janë gjetur 5 gëzhoja dhe është qëlluar me pistoletë. Në momentin e të shtënave drejt tyre, punonjësit e policisë kanë qenë jashtë shërbimit, duke udhëtuar me automjet privat. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, identifikimin dhe kapjen e autorit.

About Redaksia

Check Also

Kërkohet dyfishimi i çmimit të biletës së urbaneve

Operatorët kryesorë të transportit urban ngrenë shqetësimin e mosstabilizimit financiar të sektorit e ndikuar nga …

Leave a Reply

Your email address will not be published.