Protesta/ Meta mesazh Ramës dhe Bashës: Koha e opozitës së blerë ka përfunduar

Kryetari i Partisë së Lirisë, Ilir Meta ka qënë i ftuar ditën e sotme në emisionin “Kafe Shqeto” në Syri Tv. Metës iu kërkua që t’i dërgonte një mesazh kryeministrit Edi Rama dhe ish-kryetarit të Partisë Demokratike, Lulzim Basha. Kreu i PL-së tha se do t’u cojë ‘selam’ të gjithëve si dhe shtoi se koha e opozitës së blerë ka përfunduar përgjithmonë, duke iu referuar Bashës.

“Mesazh Ramës për t’i çuar selam të gjithëve, koha e opozitës së blerë ka përfunduar përgjithmonë, ai ka vendosur vetë të shkojë në fund të humnerës, rruga e mbarë i qoftë. Shqipëria do ta marrë veten shumë shpejt. Kjo është histori pa kthim, mos u bëni të paduruar. Shtatori do të jetë ai që unë kam premtuar, i të githë qytetarëve shqiptarë”, tha Meta.

Po ashtu, Meta u shpreh se kryeministri Edi Rama ka axhendën e Beogradit që kërkon kontrollin e pasurive të vendit dhe shpërbërjen e vendit tonë.

“Fatkeqësia më e madhe e opozitës ka qenë se nuk ka dashur ta pranojë rolin e Lulzim Bashës krah Ramës duke vrarë edhe shpresën e shumë njerëzve të cilët u larguan nga vendi. Axhenda e Ramës dhe Bashës është e përbashkët. Rama ka axhendën e Beogradit që kërkon kontrollin e pasurive të vendit tonë dhe shpërbërjen e vendit tonë. Pa dyshim që do të ketë një ballafaqim frontal si asnjëherë tjetër. Regjimin po e lënë nervat. Shtatori do të ketë rezistencë ballore. PL shumë shpejt do të nisë iniciativat e saj për protestat anti-korrupsion që qytetarët të evidentojnë në mënyrë të qartë kapjen e sistemit të drejtësisë nga zoti Rama. Këndvështrimi im si lider i PL është bashkëpunim me të gjitha forcat opozitare por me çdo forcë dhe grupim interesi. Apo çdo qytetar që e kupton që situate është ulëritëse”, tha Meta.

Ish-presidenti foli edhe për padinë ndaj Autoritetit të Dosjeve. “Ky regjim është i korruptuar në palcë dhe Rama synon të përdhosë Autoritetin e Dosjeve dhe institucionet gjoja të pavarura të drejtësisë. Personi që përmendet në dosje i ka bërë kërkesën autoritetit që në tre gusht për të hequr manipulimet dhe falsifikimet dhe e ka bërë të qartë se kush është I.M. Gjithçka është një falsifikim dhe kjo është arsyeja pse unë kam kallëzuar për 6 vepra penale anëtarët e Autoritetit të Dosjeve. Ky do të jetë një proces që do keni rastin ta ndiqni dhe të kuptoni turpin e këtij regjimi të pashpresë”, deklaroi Meta.

Takimi mes Metës dhe Berishës u përfol në media. Berisha pranoi se mes tyre kishte një takim madje paralajmëroi po ashtu edhe ai për protesta dhe bashkëpunim mes tyre.

About Redaksia

Check Also

Meta: Jam optimist për fitoren e opozitës, 80% e shqiptarëve tashmë janë në opozitë

Kryetari i Partisë së Lirisë, Ilir Meta, i ftuar në emisionin ‘A Show’ me Adi …

Leave a Reply

Your email address will not be published.