Berisha: Ndërtojnë shkolla duke dhënë 4.2 mln euro, kur në Europë ndërtohet me 600 mijë euro

Shqipëria sot përballet me një shumësi të pafund problemesh të cilat janë të bëra nga mendja dhe dora e mbrapshtë e qeverisë. Do të ju jap një shembull. Në vitin 2005-2013, ekonomia shqiptare në të ardhura u rrit me 500 miliardë lekë. Borxhi që morëm ishte 300 miliardë. U dyfishuan rroga e pensione. U ndërtuan 11 mijë kilometra rrugë e tunele. Mbi 1 mijë e ca objekte arsimore.

Pse i numëroj të gjitha këto? Sepse ky zotëri në këto 8 vite, vetëm borxh ka marrë 500 miliardë. Me 500 miliardë të borxhit, ky së paku mund të trefishonte rrogat. Nëse shqiptarët do të kishin sot një rrogë 3 herë më të madhe, ju garantoj se një pjesë shumë më e madhe nuk do të ishin duke u larguar nga Shqipëria sot. Por çfarë i bëri ky këto lekë. Ndalem këtu për të ju thënë së zgjidhjet janë reale, sepse lekët janë, fondet janë. Por ky sot ndërton 1 km autostradë me 22 mln euro, ndërkohë që në gjithë Europën ajo nuk ndërtohet më shumë se 2-3 milionë euro, për në fushë.

Në Tiranë kryetari i bashkisë ndërton shkollën 4.2 mln euro, shto edhe 6% interesa mbi këtë shumë që do të paguhet për 7 vite. Në çdo vend në Europë, shkolla ndërtohet me standarde, materialet e ndërtimit, sipërfaqet janë pjesë e një manuali të BE-së, SHBA ka të veten. Këtu nuk pi ujë asnjë manual, çmimet janë të xhepit. Ky ndërton shkollë në Tiranë, tani 4 mln euro, kur ajo duhej ndërtuar asnjëherë më shumë se 600 mijë euro.

Tjetri, vendos instilacionin e drurit 4 mln euro në oborrin e brendshëm ku nuk e sheh njeri. Nuk ka kryeministër në botë që e bën një gjë të tillë. Ai e bën, dhe ne na fyen dhe ofendon. Ai i poshtëron qytetarët e vet me këto akte. Oborri i kryeministrisë nuk është oborri i tij në Surrel. Në atë oborr kam pritur njeriun më të fuqishëm të botës, Xhorxh Bushin.
Këta vjedhin, vjedhin në çdo gjë.

About Redaksia

Check Also

Berisha i kujton Yuri Kim çfarë ndodhi në ’97: Një ambasadore u largua, por jo SHBA

Kryetari i PD, Berisha i kujtoi ambasadores Yuri Kim se nuk ka pasur asnjë ndërprerje …

Leave a Reply

Your email address will not be published.