Çekia: Mund të propozojmë pezullimin e vizave për Shqipërinë

Në kohën kur Komisioni Europian në progres-raportin e radhës, e bëri të qartë se Shqipëria rrezikon rikthimin e vizave nëse qeveria çon përpara nismën e Pasaportave të Arta, një rrezik tjetër shfaqet në sfond.

Portali i njohur i Brukselit, EuObserver, shkruan se Çekia ka shpërndarë një memo, ku paralajmëron mundësinë e pezullimit të lëvizjes së lirë me Shqipërinë dhe Serbinë.

Shkak është bërë rritja e numrit të kubanëve, indianëve dhe turqve që po vijnë përmes Shqipërisë dhe Serbisë për të kërkuar azil në BE.

Në memon e brendshme, e cila është parë nga EuObserver, thuhet se Shqipëria dhe Serbia nuk e kanë përafruar kurrë plotësisht listën e tyre të heqjes së vizave me standardet e BE-së, pavarësisht se gëzojnë të drejtën e lëvizjes pa viza në bllok.

“Kjo ka kontribuar në rritjen e numrit të emigrantëve të parregullt që hyjnë në BE përmes kësaj rruge,” bëri të ditur presidenca çeke.

Në memo thuhet se numri i shtetasve nga Turqia, Tunizia, India, Kuba, Burundi, etj, që futen nga ajri përmes Serbisë dhe Shqipërisë për në BE, ka njohur një rritje të jashtëzakonshme.

Në memo thuhet se duhet shtuar presioni diplomatik ndaj Shqipërisë dhe Serbisë për të zgjidhur këtë çështje.

Në rast të Kundër, Praga thotë se do propozojë pezullimin e lëvizjes së lirë me Shqipërinë dhe Serbinë.

Para dy ditësh, e pyetur për mundësinë e rikthimit të vizave me Shqipërinë, diplomatja e BE në Tiranë, Christiane Hohmann, tha se kjo mbetet në dorë të shteteve të caktuara.

About Redaksia

Check Also

Akuza për vrasjet në Elabasan, Ambasada e SHBA paralajmërim për Ballën

Ambasada e SHBA ka mbajtur qëndrim pas akuzave të forta që janë bërë në adresë …

Leave a Reply

Your email address will not be published.