Shpërthim eksplozivi në Tiranë, hidhet në erë një dyqan kozmentik 

Një shpërthim i fuqishëm eksplozivi ndodhi në Tiranë, ku një dyqan kozmentik u hodh në erë. Ngjarja ndodhi pasmesnate në rrugën “Sami Frashëri”, në një zonë të populluar të kryeqytetit.

Bëhet e ditur se dyqani kozmetik ku ndodhi shpërthimi me eksploziv, është në pronësi të Enisa Pirollit. Nga shpërthimi i fuqishëm fatmirësisht ka vetëm dëme materiale. Raportohet se Pirolli e kishte marrë dyqanin me qira.

Policia dhe grupi hetimor po punojnë për zbardhjen e plotë të rrethanave. Do të jetë dëshmia e pronares që do të ndihmojë në identifikimin e autorëve të mundshëm të ngjarjes. Shpërthimi ka qenë i fortë dhe është ndjerë në disa zona të Tiranës.

Si pasojë e shpërthimit ka pasur vetëm dëme materiale, ndërsa policia po punon për të zbardhur ngjarje.

Grupi hetimor ka hapur kamerat e sigurisë, ku edhe është evidentuar se autori ishte me kapuç dhe se është larguar me një makinë tip Golf, ngjyrë të zezë.