Kërkohet hetim ndaj Soros për përdorimin e granteve qeveritare për lobim

Dy kongresmenë republikanë dhe një ish-zyrtar i administratës së Donald Trump kanë kërkuar nga qeveria e Joe Biden që të hetojë për mënyrën se si janë përdorur grantet qeveritare nga një grup i financuar nga miliarderi majtist, George Soros.

Grupi Alianza Americas, i financuar nga Soros, ka marrë më shumë se 8.5 milionë dollarë të taksapaguesve amerikanë nga Ministria e Shëndetësisë në SHBA.

Por këto fonde nuk janë përdorur për qëllimin e parashikuar, por për lobizëm.

Kongresmenët Chip Roy dhe Beth Van Duyne dhe ish-shefi i kabinetit në Ministrinë e Shëndetësisë, Brian Harrison, kërkojnë një hetim për këtë çështje.

Sipas tyre, fondet janë përdorur në mënyrë të paligjshme. Grupi i financuar nga Soros i mori paratë e grantit me qëllim kufizimin e përhapjes së koronavvirusit te emigrantët.

Por këto miliona dollarë shkuan më pas për lobizëm politik. Kujtojmë se përdorimi i fondeve qeveritare të dhëna në formë granti, me qëllim lobimi, është i ndaluar dhe i dënueshëm me ligj.