Protesta, banorët bllokojnë rrugën në Pogradec

Banorët e fshatit Guras në Pogradec protestuan mëngjesin e kësaj të hëne, duke bllokuar rrugën kryesore që të çon në këtë fshat.

Shkak i protestës është bërë amortizimi i infrastrukturës rrugore, për shkak të punimeve që po kryhen për kanalizimet e ujërave të zeza.

Pasi janë përfunduar punimet për kanalizimet, firma zbatuese e projektit ka lënë pa rehabilituar pjesët e dëmtuara të rrugës, duke shkaktuar kaos me qarkullimin e automjeteve.

Banorët bllokuan rrugën për më shumë se 30 minuta, duke mos lejuar as kalimin e furgonit të mësuesve që shkojnë në fshat.

Banorët kërkojnë garanci nga firma dhe bashkia që rruga të shtrohet e gjitha dhe me cilësi në të kundërt protesta do të vazhdojë.

About Redaksia

Check Also

Reagon SHBA: Të skandalizuar nga sulmi ndaj Berishës

SHBA reagon për sulmin ndaj kreut të PD, Sali Berisha. Nje zedhenes i ambasades se …

Leave a Reply

Your email address will not be published.