Mbyllja e RTV Ora, reagon Unioni i Gazetarëve Shqiptarë Profesionistë të Diasporës

Unioni i Gazetarëve Shqiptarë Profesionistë të Diasporës shprehu shqetësimin për sjelljen arbitrare që qeveria shqiptare ka ndërmarrë ndaj RTV Ora.

Sekuestrimi i një media të lirë që prej vitesh ka denoncuar skandalet politike, afera korruptive, ka nxjerrë në pah të vërteta, duke zbardhur paligjshmërinë e drejtuesve të lartë të shtetit dhe të grupeve kriminale të lidhura me to, është një goditje e drejtpërdrejtë e pushtetit të katërt të demokracisë që është media e informimi publik.

Sekuestrimi i RTV Ora është formë shprehjeje e restaurimit të një diktature që kamuflohet nën një demokraci false në dëm të shprehjes së lirisë së  mendimit, dhënies së informacionit dhe të së vërtetës.

Sekuestrimi i një televizioni është alarm publik se Shqipëria po shkon çdo ditë e më shumë drejt një regjimi autokratik që mbyt çdo media opozitare në shërbim të së vërtetës.

UGSHPD është në krah të gazetarëve e punonjësve të këtij televizioni, punës e kurajos së tyre për të kryer misionin sublim të medias: informacion i lirë, i vërtetë e i pavaruar.

Mediat e gazetarët kanë të drejtën-detyrim të informojnë publikun.

Fshehja e se vërtetës, gënjeshtrat, informacioni fals, mashtron shoqërinë, krijon bazën e këtij pushteti e të dizinformuarit shndërrohen në tullat e këtij sistemi skllavërie moderne! Demokracia false e informacioni shërbyes i këtij sistemi është më i rrezikshëm se sa një diktaturë!

Ç’po ndodh me mediat shqiptare ne përgjithësi, e me RTV ORA sot, tregon se kush ka frike nga e vërteta, godet me një furi te frikshme kundër pilastrit me bazik te mendimit e shprehjes se lire dhe fuqisë se katërt te një regjimi demokratik: Media e Komunikimi! Demokracia false përdor ligjin e rendin, në shërbim të politikës autokratike!

Prej kaq  vitesh (2013-2022) në pushtet kjo qeveri ka treguar se, për të menaxhuar sundimin diktatorial, nëpërmjet pushtetit totalitar dhe një administrate që ekzekuton pasionin e njëanshëm autoritar, ka goditur sistematikisht median, ku renditen dhjetra shembuj  dhune, presioni, shantazhi  dhe formash të tjera të kundërligjshme. Së fundmi, me ndaljen e ORËS, ky pushtet po tregon se po afron fundin e kohës së ekzistencës së vet.

Unioni i Gazetarëve Shqiptarë Profesionistë të Diasporës

About Redaksia

Check Also

Si e fshehu SPAK emrin e Amant Josifit, Policia spanjolle kërkoi arrestimin e tij

Operacioni i madh ndërkombëtar i emërtuar “FRIDA-REFOX” u zhvillua në datat 8 dhe 9 nëntor …

Leave a Reply

Your email address will not be published.