Berisha: Rama i përmbyti qytetarët, hapja e portavengriti urën e Bahçallëkut nga themeli

Kryetari i PD, Sali Berisha tha gjatë mbledhjes së Grupit Parlamentar se, Rama i përmbyti qytetarët me një akt kriminal. Berisha tha se, hapja e portave në dy tunelet e Komanit dhe Vaut të Dejës ishte aq e fortë, sa ngriti urën e Bahçallëkut nga themeli.
“Akti i tyre është kriminal dhe i papërgjegjshëm, sepse ligji i detyron që në çdo vendim që marrin për hapjen e portave, duhet të njoftojë autoritetet vendore. Dhe autoritetet vendore marrin masa që të njoftojnë popullatën.
Kjo nuk ka ndodhur. Kanë hapur dy tunelet e Komanit, portat e Komanit dhe të gjitha tunelet, portat e Vaut të Dejës.
Kaq i madh, kaq i fuqishëm ka qenë vërshimi, saqë ka ngritur me themel urën e Bahçallëkut. Ka marrë bazamentin e ujit. Gjysma e urës është zhdukur.
Nuk kishin parë ndonjëherë banorët dhe njeriu që i përmbyti ata, ka dy ditë që i gënjen në mënyrë të turpshme, në vend që të kërkojë ndjesë dhe të shkarkojë të gjithë zinxhirin përgjegjës për përmbytjet.
Rama bën gjithçka që të mos dëmshpërblejë, por ne do i çojmë përpara ligjit. E përgëzoj zotin Spahiu për padinë.
Nuk shkonte dot në Shkodër, por shkonte në Sukth për të përgëzuar Sakon për ballon e saj. Në kulmin e përmbytjeve, Sako bënte ballo për kryeministrin te Kodra e Kuajve.
E përgëzoj Mit’hat Hazbiun për atë që i tha kryeministrit. Ky u soll me tërbim dhe përfundoi në spital ai. I bërtiste qytetarit: Burg, burg, burg.
Ndaj amendamenti është shumë i rëndësishëm, që të krijohet fondi rezervë. Se ligji e thotë që ai që përmbyt, ai të paguan”, u shpreh Berisha.

About Redaksia

Check Also

Berisha: Shqipëria në rrezikun e saj më të madh ekzistencial!

Nga protesta në Bulevardin Dëshmorët e Kombit, kreu i demokratëve Sali Berisha ngriti alarmin se …

Leave a Reply

Your email address will not be published.