Berisha: Një qytetar ndërroi jetë mbrëmë nga stresi pasi po e lënë pa shtëpi

Kryetari i PD, Sali Berisha tha gjatë konferencës për shtyp se, një qytetar ndërroi jetë  mbrëmë nga stresi, nga sindromi i zemrës së plasur sepse po e nxjerrin me forcë nga shtëpia. Berisha tha se, pas tërmetit, ekspertët u kanë dhanë banorëve të këtij pallati, klasifikimin se pallati i tyre nuk ka dëmtime të rëndësishme, por këta duan ta shembin sep[se do të ndërtojë pallat Qefalija.
“Një qytetar ndërroi jetë nga stresi, nga sindromi i zemrës së plasur sepse po e nxjerrin me forcë nga shtëpia.
Cila është historia?
Pas tërmetit, ekspertët u kanë dhanë banorëve të këtij pallati, klasifikimin se pallati i tyre nuk ka dëmtime të rëndësishme.
Kam një titull të vitit 2019, që se si luhet me jetët e 90 familjeve nga Qefalija.
Ky i fundit ka ndërtuar aty dhe u ka prishur themelet. Në mënyrë barbare u presin dritat dhe ujin.
Mbrëmë ai ndërroi jetë nga sindromi i plasjes së zemrës një qytetar që e shihte veten në humnerë totale, që e nxirrnin me forcë.
Këto ndodhin se si në asnjë vend të botës, në Shqipëri konfiskon kryeministri. Nuk konfiskon gjykata.
Këto janë zhvillimet e një revanshi që po nuk e ndalëm, do të përmbysë edhe më keq shoqërinë dhe shtetin shqiptar”, tha Berisha.