Gazeta RD
Deputeti i Partisë Demokratike, Edmond Spaho u shpreh gjatë debatit në Kuvend se atë nuk mund ta largojë shërbëtori i Edi Ramës nga grupi parlamentar i PD.
Deklarata e Spahos erdhi pasi Enkelejd Alibeaj, në sinkron me Lindita Nikollën dhe mazhorancën, iu drejtua deputetëve të PD se janë të përjashtuar nga grupi parlamentar i PD. Spaho tha se ai nuk është zgjedhur nga Enkelejd Alibeaj, por nga zgjedhësit.
“Ju jam drejtuar dhe më parë se pse me klasifikoni në grupin e deputetëve të pavarur. Më thoni nenin e rregullores përkatëse për dokumentin që keni marrë përsipër që të na klasifikoni si të pavarur. Me formimin që kam arrij të kuptoj që vendimmarrja më takon mua dhe unë e kam bërë në shtator ku kam zgjedhur të jem deputet i PD. Pse? Nuk më ka zgjedhur Enkelejd Alibeaj, por zgjedhësit. Si rrjedhojë nuk ka asnjë të drejtë shërbëtori i Ramës të më heqë”, u shpreh Spaho në Kuvend.
