Noka: Rama-McGonigal bujë botërore, ekranet shqiptare shfaqin kasetat e gatshme të partisë

Revista e njohur amerikane, “Rolling Stone” publikoi sot një shkrim investigues për skandalin e kryeministrit Edi Rama me ish-zyrtarin e FBI, Charles McGonigal. Revista shkruan se gjithçka nisi nga një ish-agjent i KGB-së ruse, i cili korruptoi ngadalë një nga njerëzit më të rëndësishëm të FBI-së.

“Rolling Stone” thekson po ashtu edhe padinë shqiptare të McGonigal, ndërsa thekson se skandali ka përmasa shumë të mëdha.

Revista amerikane shkruan se Charles McGonigal i mori paratë e lobimit si bandat.

Pas artikullit të radhës nga mediat ndërkombëtare, ka reaguar Sekretari i Përgjithshëm i PD, Flamur Noka.

Ai shkruan në rrjetet sociale se skandali Rama-McGonigal ka bërë bujë në mediat botërore, ndërsa shton se ekranet shqiptare vazhdojnë të shfaqin kasetat e gatshme që ua servir qeveria.

Postimi

Kush e korruptoi agjentin e FBI-së?

Ky është titulli i revistës amerikane me famë botërore “Rolling Stone”, që shkruan se kundërzbuluesi i FBI-së Charles McGonigal u pagua rreth një çerek milioni dollarë në Shqipëri, përfshirë 80 mijë dollarë që iu dhanë në një makinë të parkuar jashtë një restoranti në Nju Jork.

“Një stil tipik kapobande”, e përshkruan Rolling Stone.

Buja botërore mediatike e turit të takimeve sekrete mes agjentit të korruptuar të FBI-së dhe kryeministrit të Shqipërisë nuk e ka ndryshuar programacionin e ekraneve shqiptare, të cilat vazhdojnë në shumicë të shfaqin kasetat e gatshme të partisë së propagandës.

About Redaksia

Check Also

Policia sulmon protestuesit me spraj lotsjellës, disa qytetarë shtrihen përtokë

Policia ka përshkallëzuar dhunën ndaj protestuesve, duke hedhur spraj lotsjellës ndaj tyre në bulevard. Si …

Leave a Reply