Raporti i DASH: 271 milionë USD u vodhën vetëm nga inceneratorët

Raporti më i fundit i Departamentit të Shtetit për të Drejtat e Njeriut ka shkaktuar një ‘tërmet’ politik në vend.

Kjo për shkak se në raport thuhet se gjyqësori në vend është i kapur, një akuzë e fortë sidomos pas shtatë vitesh të nisjes së reformës në drejtësi.

Ndonëse kushtetuta parashikon një gjyqësor të pavarur, “presioni politik, frikësimi, korrupsioni dhe burimet e kufizuara e penguan gjyqësorin të funksiononte plotësisht, në mënyrë të pavarur dhe efikase”, thuhet në raport.

Po ashtu, në raport theksohet se korrupsioni është i pranishëm në të gjitha degët dhe nivelet e qeverisjes.

Duke u ndalur te korrupsioni, në raport thuhet se vjedhjet me aferën e inceneratorëve kanë arritur në nivelin e 271.5 milionë dollarëve.

“SPAK hetoi gjithashtu kontratat publiko private për inceneratorët e mbetjeve në qytetet e Tiranës, Elbasanit dhe Fierit, të cilat dyshohet se dërguan në mënyrë të paligjshme 271.5 milionë dollarë për zyrtarët e qeverisë dhe kontraktorët. Hetimi çoi në arrestimin e ish-ministrit të Mjedisit, Lefter Koka, në dhjetor 2021 dhe ish-deputetit Alqi Bllako në mars,” thuhet në raport.

Po ashtu nënvizohet se shumë i përhapur është korrupsioni në polici.

“Korrupsioni policor mbetet një problem. Deri në gusht, Agjencia e Mbikëqyrjes Policore ka pranuar 1707 ankesa ose pretendime për korrupsion policor”.

About Redaksia

Check Also

Qeveria do të shpenzojë 12 milionë euro për të luftuar korrupsionin që bën vetë!

Qeveria shqiptare do të shpenzojë 12 milionë euro nga paratë e qytetarëve për të forcuar …

Leave a Reply