Gazeta RD
Kryetari i PD, Sali Berisha akuzon qeverinë dhe Edi Ramën për abuzime me tenderat e rrugëve. Nga Kruja, ku prezantoi kandidatin e opozitës për kryetar bashkie, Agron Loka, Berisha u referua autostradës Lekaj-Fier. Ky segment, autostradë, tha Berisha është ndërtuar nga qeveria e PD me 1.2 mln euro/km, ndërsa Rama po ndërton një rrugë anësore me 7.2 mln euro. Berisha akuzoi edhe Erion Veliajn për aferë me tenderat e shkollave.
“Autostrada Lushnje-Fier me 1.2 mln euro është ndërtuar, segmentet e tjera me rreth 2 mln euro. Kurse Edi Rama ndërton rrugën anësore me 7.2 mln euro, tre herë më shtrenjtë se sa rrugën kryesore. Erion Veliaj ndërton shkollën 6 mln euro, i futi dinamitin shkollës “Sami Frashëri” pa asnjë çarje kund dhe merr taksat tuaja. Fond me të cilin mund të ndërtoheshin të paktën 7 shkolla.
Blen vazo për oborrin e pasëm të Kryeministrisë 4 mln euro, udhëton me avion, me dhomë gjumi 137 herë, 22 mlnm euro. A do vazhdojmë ne të ecim në këtë mënyrë? Këto janë zgjedhjet e jetës tonë. Këta i urrejnë qytetarët. Njëlloj si hajduti që futet në shtëpinë e tjetrit dhe pasi e vjedh e urren viktimën e tij edhe qeveria e Edi Ramës i vjedh qytetarët ditë e natë dhe i urren qytetarët. Ndaj këto janë zgjedhjet e jetës tonë”, tha Berisha.
