Bashkia Vlorë e zëvendëson “asfaltin elektoral” me “baltën elektorale”

Nga Rezenbrik Serjani

Gjetja më e fundit inxhinierike aplikohet për herë të parë në Bashkinë Vlorë

Qysh nga Perandoria Romake, ku kemi disa nga veprat më të njohura inxhinierike, kryesisht kjo periudhë e njohur për shtrimin e rrugëve, vepra të cilat i kanë rezistuar shekujve, deri në ditët e sotme, nuk kemi parë asnjë rast të shtrimit, rehabilitimit apo riasfaltimit të pjesëve e pjesëzave të rrugëve të amortizuara, me një “material”, e cila përbën “gjetjen më të fundit të inxhinierisë së ndërtimit”, përcaktimi për të cilën varion mes dheut, rërës, baltës apo mbetjeve asfaltike e bituminoze, duke u kthyer në “Eurekën (Gjetjen)” e Bashkisë Vlorë !

Në vigjilje të fushatës elektorale, por edhe gjatë gjithë muajit elektoral, Bashkia Vlorë e zëvendëson “asfaltin elektoral” me “baltën elektorale”, një gjetje kjo që s’po lë vend e kuvend pa u hedhur e shpërndarë, në rrugica të shkelura apo pa shkelura, nëpër dyer institucionesh e në nyjet më të rëndësishme të qytetit !

Ky evolucion në vizionin e Bashkisë Vlorë, në vizionin e institucionit menaxherial të taksave vlonjate apo edhe të urbanistëve e inxhinierëve, të cilët kanë kohë që vegjetojnë nëpër zyrat e mykura bashkiake, firmosin e tenderojnë tonelata baltë elektorale, duke urdhëruar që kjo baltë të shpërndahet në çdo cep të qytetit, sikur të jetë pluhur magjik e çudibërës !

Është më shume se e turpshme, kjo shfaqje e shpifur dhe tallëse që bën Bashkia Vlorë !

Ky institucion që nuk përfaqëson qytetarët e Vlorës, çdo vit degradon nga tallja në tallje, duke e shndërruar këtë qytet në arenën e interesave personale, të atyre që për 26 vite janë mazhorancë vendore e drejtuese!
Këto gjetje kaq të shpifura, njësoj si mendja e atyre që i projektojnë, baltosin Vlorën dhe qytetarinë vlonjate !

Vlora ne 14 Maj bëhet pjesë e ndryshimit !

#VloranëDuartTona
#BashkëFitojmë
#HysniSharra

About Redaksia

Check Also

Berisha: Garantoj çdo prind se do të paguhet për çdo fëmijë në mënyrë që të mos u mungojë më asnjë vakt

Lideri i opozitës, Sali Berisha ka premtuar se me ardhjen në pushtet të Partisë Demokratike, …

Leave a Reply