Republikanët shkarkojnë kryetarin e Kongresit pas marrëveshjes që bëri me demokratët

Kevin McCarthy është shkarkuar nga pozita e kryetarit të Dhomës së Përfaqësuesve në Shtetet e Bashkuara, në një votë mosbesimi.

Kjo është hera e parë në historinë amerikane që shkarkohet një zyrtar prej kësaj pozite përmes një votimi kësisoj.

McCarthy është shkarkuar nga pozita e liderit të shumicës së republikanëve në këtë dhomë të Kongresit me 216 vota për dhe 210 kundër.

Politikanët e linjës së ashpër kanë votuar për largimin e tij, pasi McCarthy e ka arritur një marrëveshje me demokratët e Senatit për t’i financuar agjencitë qeveritare.

Aktualisht nuk ekziston një emër që do ta mbikëqyrë shumicën e republikanëve në këtë dhomë.

Kongresi i ka rreth 40 ditë për ta arritur një marrëveshje që shmang mbylljen e Qeverisë amerikane.

Republikani nga Florida Matt Gaetz, aleat i ish-presidentit amerikan Donald Trump, e ka nisur procedurën për shkarkimin e McCarthyt.

Ai e ka akuzuar kreun e deritanishëm për arritjen e një marrëveshjeje sekrete me Shtëpinë e Bardhë për ta vazhduar financimin për Ukrainën, teksa është negociuar shmangia e mbylljes qeveritare në fundjavë.

Një flamur i Shteteve të Bashkuara të Amerikës duke valëvitur, teksa në prapavijë qëndron ndërtesa e Kongresit amerikan. Fotografi nga arkivi.

Ish-presidenti Trump ka thënë se partia duhet t’i luftojë “demokratët e majtë radikalë” dhe jo njëri-tjetrin.

Sekretarja për media e Shtëpisë së Bardhë, Karine Jean-Pierre, ka thënë përmes një deklarate se presidenti amerikan Joe Biden është duke shpresuar që Dhoma e Përfaqësuesve të gjejë shpejt një emër të ri për kryetar, duke përmendur se “sfidat me të cilat përballet kombi ynë, nuk mund të presin”.

About Redaksia

Check Also

Votimi/OKB njeh gjenocidin në Serbenicë, Vuçiç mbulohet me flamurin e turpit

Asambleja e Përgjithshme e Kombeve të Bashkuara ka miratuar rezolutën që njeh gjenocidin në Srebrenicë. …

Leave a Reply