Blushi thirrje policëve: Edhe ju jeni të vjedhur nga Veliaj, mos u përdorni kundër popullit!

Tedi Blushi, Sekretar i Përgjithshëm i PL, në fjalën e tij protestën para Bashkisë së Tiranës, u bëri thirrje policëve të mos u përdorin kundër popullit se edhe ju jeni të vjedhur nga Veliaj.

“Jemi këtu prej katër javësh për të protestuar ndaj nj kryetari bashkie që ka thyer çdo rekord në krim, vjedhje, dhunim të drejtave të qytetarëve të Tiranës.

Koha e fjalëve ka mbaruar sepse siç e shikoni, nuk është më bashkia e Tiranës po një burg i madh i rrethuar nga Policia.

Kam një thirrje për policët e ndershëm në këtë protestë, të vjedhur si këta qytetarë, që merrni një pagë skandaloze: edhe në xhepat tuaja Veliaj ka futur duart çdo ditë. Ashtu si edhe populli, edhe ju policë me apo pa uniformë, jeni të vjedhur njësoj si ne. Mos u përdorni për t’u përballur me popullin! Nuk ka regjim që të ndalë popullin të kërkojë drejtësi.

Përsa kohë kjo drejtësi është e kapur, kjo drejtësi dhe policia e Taulant Ballës, personazhit më të inkriminuar, politikanit të lidhur drejtpërdrejt me bandat, ashtu si shefi i tij Edi Rama, nuk kanë fuqi të ndalin popullin të kërkojë drejëtsojë, të protestojë për vjedhjen dhe të çlirojë bashkinë e Tiranës nga mafia e inceneratorëve dhe nga organizata kriminale 5D.

Unë kam një ftesë për të gjithë kolegët e mi të Këshillit Bashkiak të Tiranës. ne nuk mund të pranojmë si të zgjedhur të qytetarëve, që të qëndrojmë këtu.

Është koha që ne t’i drejtohemi bashkisë së Tiranës, të gjithë këshilltarëve të Tiranës, se është e papranueshme që policia e Ballës dhe e Ramës na pengon sot të ushtrojmë detyrat tona. Ne jemi sot në ballë të protestës sepse nesër këta policë do të detyrohen t’ju pengojnë të hyni në bizneset tuaja, shtëpitë tuaja dhe ne nuk do ta lejojmë.

I bëj thirrje Policisë së Shtetit që të hyjmë paqesisht ne këshilltarët e bashkisë së Tiranës që prej aktor muajsh presim përgjigje nga bashkia për transparencën e aferave korruptive.

Ne nuk kemi asgjë me ju, na hapni rrugën sepse do të hyjmë në institucion ne këshilltarët e bashkisë për të kërkuar transparencë”, tha Blushi.

About Redaksia

Check Also

Doni më për… narcosin e shndërruar në institucion?

Nga Adriana KALAJA Sot, nga tingujt e radios së Syrit, nuk po i besoja veshëve …