Malltezi: Raportimi i SPAK, zero përmendje të emrit të Berishës! Vijimi i arrestit nga GJKKO pa prova!

Argita Malltezi ka zbërthyer punën e SPAK gjatë dy muajve të fundit dhe dokumetave që ka dorëzuar në GJKKO me qëllim vijimin e mbajtjes së masave të sigurisë “arrest-shtëpie” ndaj liderit të opozitës, Sali Berisha dhe dhëndit të tij, Jamarbër Malltezi, ku nuk rezulton asnjë provë apo fakt ku përmendet emri i ish-kryeministrit.

Gjatë konferencës për mediat, Malltezi ka theksuar se, ky raportim i SPAK ka zero përmendje të emrit të Sali Berishës, pasi në asnjë dokument, asnjë veprim apo dëshmi dhe fakt nuk përmend asnjëherë të vetme emri i ish-kryeministrit dhe këto propozime janë përdorur për mbajtjen e masave për Berishën dhe Malltezin.

“Çfarë kanë bërë këto 2 muaj SPAK dhe eventualisht i ka dorëzuar këto dokumenta në GJKKO, mbahet në arrest Sali Berisha dhe Jamarbër Malltezi sepse tashmë SPAK po heton nëse ka pasur apo jo oponencë teknike projekti i arkitektit Libeskin, apo nëse ka pasur apo jo mbrojtje kundër zjarrit objekte të ndërtuara 20 vite më parë dhe sigurisht këta janë gjëra pa asnjë lidhje me ish-kryeministrin e vendit, nuk ka asnjë përgjegjësi ish-kryeministri i vendit nëse një shoqëri tregtare ka respektuar apo jo këto kërkesa por siç rezulton këto janë respektuar.

Nuk merret oponenca për çdo ndërtim që bëhet në Tiranë, ky projekt e ka oponencën teknike pavarësisht se është bërë nga një prej arkitektëve më të mirë të botës, oponenca është në dosje dhe ky raportim i SPAK ka zero përmendje të emrit të Sali Berishës. Asnjë dokument, asnjë veprim apo dëshmi dhe fakt nuk përmend asnjëherë të vetme emrin e Sali Berishës. Dhe propozimi ka qënë për mbajtjen e masave për Berishën dhe Jamarbër Malltezin”, tha Argita Malltezi.

About Redaksia

Check Also

Berisha për “Antena3 CNN”: Balla mik me Coldea, Agaçi ka firmosur kontratën që Coldea të jetë këshilltar i Ramës

Kryetari i Partisë Demokratike, Sali Berisha, i cili një javë më parë zbuloi se ish-deputeti …