Përplasje mes Ramës dhe Gjiknurit

Gazetarja Erla Mëhilli, mbrëmjen e sotme gjatë emisionit të saj në Euronews Albania deklaroi se sipas informacioneve të saj, ditën e djeshme ka patur një përplasje të fortë mes Damian Gjiknurit dhe Edi Ramës.

Ky i fundit deklaroi sot se të gjithë deputetët me më shumë se një mandat, do të jenë në listë të hapur, pasi sipas tij, vetëm gratë dhe drejtuesit politik të Qarqeve do të jenë në listë të mbyllur.

Ndryshe nga zgjedhjet e mëparshmë, për ato të 11 Majit, Edi Rama nuk i ka caktuar asnjë Qark si drejtues politik Gjiknurit, teksa ky i fundit më herët ka qenë në Vlorë dhe në Elbasan.

Nisur nga kjo situatë, Damian Gjiknuri, sipas vetë rregullit të caktuar nga Rama, duhet të garojë në listë të hapur, por ndërkohë mbetet ende enigmë dhe Qarku se ku do të kandidojë.