Gazeta RD
Deputeti i PD, Luçiano Boçi ka denoncuar në rrjetet sociale skandalin e emërimit si drejtor shkolle të një personi të shkarkuar më parë për shitjen e materialeve të shkollës.
Boçi shkruan se, Hysen Koldashi, u shkarkua nga drejtor i shkollës 9-vjeçare Hilari Klinton Kamëz në Maj 2020, pas publikimit te Fiksit, për shitjen e materialeve të shkollës.
Postimi i deputetit Boçi
Pas emërimit të mësuesit të dënuar për pedofili një tjetër emërim skandaloz vjen nga Ministria e Arsimit.
Koldashi, u shkarkua nga drejtor i shkollës 9-vjeçare Hilari Klinton Kamëz në Maj 2020, pas publikimit te Fiksit, për shitjen e materialeve të shkollës.
Por kjo nuk është konsideruar dhe dje, ish-drejtori i shkarkuar, është emëruar përsëri drejtor.
Tani në shkollën Ahmet Zogu Kamëz.
Mësuesit janë të revoltuar dhe denoncojnë rastin.
Emërimi i personave me precedentë të tillë është bërë tashmë normë.
Mjafton të jenë militantë politikë!
